La bardoztarde Élise Hourdillé elegida Miss Còsta Basque 2016
La Bardoztarde Élise Hourdillé qu'ei estada coronada Miss Còsta basca en 2016. Causida au demiei de 17 candidatas abitant au País basco, e succedint a Marina Laurend elegida en 2011, qu'a permetut de méter en lutz lo concors basco au près deus estats majors de Miss França e Miss Prestigi nacionau, e deu concors de Geneviève de Fontenay.
Antton Haramboure que medalha de bronze aus campionats d'Euròpa de Natacion 2010
Un «gròs peish», vaquí com s'apèra un plan bon nadaire dens lo miei de la natacion. A solament 19 ans, lo Bardoztar que hasèva plan partida deus melhors nadaires francés sus 200 m nada liura, dab dejà mantun títol au son actiu :
- 2009 : Champion de França junior deu 400m crawl, vicecampion deu 200; 9au deu 400 e 6au deu 200 au Campionat de França senior ; campion d'Euròpa junior deu relai 4x200 e vici campion d'Euròpa junior deu relai 4x100.
- 2010 : Semifinalista sus 100 m crawl aus campionats de France Senior a Sant Rafèu (batut peus tenòrs mondiaus (Bernard, Bousquet, Leveaux, …), 9au sus 400 m crawl, 4au au pè deu podium sus 200 m crawl. Resultats qui'u valen la qualificacion en equipa de França entaus campionats d'Euròpa a Budapèst de l'8 au 15 d'aost de 2010.
- 2010 : Medalha de bronze deu 4 × 200 m nada liura (dab Yannick Agnel, Clément Lefert, Jérémy Stravius) aus Campionats d'Euròpa de Budapèst (Hongria). Dusau chrono de las serias, darrèr Russia e davant Alemanha, qui avèva deishat au repaus lo campion d'Euròpa Paul Biedermann, lo qüatuor qu'a signat un chrono de 7min 09sec 70 darrèr lo relai alemand (7min 08sec 13), luenh darrèr Russia qui s'ei impausada en 7min 06sec 71.
- 2011 : Serias 100m nada liura en petit bacin - 5424 au Campionats de França de natacion en petit bacin 2011
- 2012 : Semifinala 200m nada liura en gran bacin - 1'5178 aus Campionats de França de natacion 2012
2012 : Finalista B 400m nada liura en gran bacin - 3'5642 aus Campionats de França de natacion 2012
Julie Rieu a la Copa deu monde de Touch 2015
Lo Touch, o Touch Rugbi, practica derivada deu rugbi de XIII shens contacte rugós permetent atau d'evoluar dens equipas mixtas e de tots atges, vadut dens las annadas 50 en Austràlia, qu'a hèit la soa aparicion en França dens las annadas 2000 e que compta actuaument haut o baish 1000 licenciats. Au parat de la copa deu monde de las nacions qui s'ei debanada deu 29 d'abriu au 3 de mai de 2015 en Austràlia (Coffs Harbour), ua Bardoztarde, Julie RIEU (ajucada, 3au en partint de l'esquèrra), qu'a representat França dens l'equipa mixta, après aver participat a la precedenta edicion en 2011 a Edimborg e a la copa d'Euròpa 2014 a Swansea.
Au tèrme d'ua setmana de competicion, l'equipa de Maud qu'acaba 7au sus 22 equipas engatjadas . Plan beròja proessa de l'equipa de França qui a batut Alemanha e Africa deu Sud (3au pendent la precedenta copa deu monde) en partidas de garia, lo permetent d'accedir a la division 1 e d'afrontar las plan granas nacions deu Touch : Austràlia, Navèra Zelanda, Papoa Navèra Guinèa, Samoa, Anglatèrra, Escòcia e Japon. Qu'acaba la competicion en emportant las prolongacions d'ua partida de classament contra Japon.
Entà la copa d'Euròpa de Touch rugbi 2016 a Jersey (deu 7 au 10 de julhet de 2016) França qu'a enviat mantua equipa nacionau dont l'equipa Senior Mixta on la nosta Bardoztarde Julie RIEU (ajucada, 3au en partint de la dreta) qu'a hèit bona figura .
Retrobatz l'equipa de França mixta de Touch sus Facebook a la pagina « Equipas de França Mixtas de Touch Rugbi »