Netetat e Dèishas

Tria de las dèishas 

Despuish lo 1èr de genèr de 2023, la consigna de tria que s'ei alargada qu'à tots los embalatges e papèrs entà redusir l'impacte environamentau de las dèishas e d'aténher l'objectiu de passar de 93 a 100 kg per abitant en collècta selectiva. Tots los embalatges domestics e papèrs que's trian amassa e que son a depausar a barreja dens los bacs o colomnas en velhant a plan los vueitar e non pas pas los imbricar.

De navèths embalatges e petitas dèishas metallicas, un còp èra getats dab las bordilhas domesticas, que pòden estar triats : sacs e saquets ne plastic, barquetas alimentàrias, filmes alimentaris ne plastic, pòts d'iogort, de crèma fresca, los tubes maionesa e dentifrici, las capsulas de cafè, los cubertís deus pòts e bocaus metallics, las tauletas vueidas de medicaments…

Los embalatges en veire (botelhas, pòts, flascons, bocaus) que demoran lo sol materiau triat, a despart, dens las colomnas abituaus. Sols los lors boçons e capulets ne plastic o de metau que son a triar dens la pobèlla jauna !

la-tria-plus-facile-en-imatge

Triar las soas dèishas qu'ei un gèste ciutadan INDISPENSABLE a la preservacion deu noste environament, de la nosta qualitat de vita e deus nostes budgets.

Las dèishas defendudas entà la vòsta pobèlla :

• Las pilas, las baterias o las ampolas : reciclatge per cordèras especializadas e puntejats de collècta dens los supermercats.
• Los medicaments perimits : a raportar en farmacia entà que sian tornats dirigir cap a ua cordèra de destruccion especializada.
• Las dèishas d'equipaments electronics : cordèras dedicadas. A raportar en çò deus distributors qui an l'obligacion de recuperar los aparelhs vielhs ; ne har don a ua associacion ; a depausar en deisheria o dens punts collèctas previst ad aqueth efèit. .
• Los òlis alimentaris : a depausar dens punts de collècta especializats o pobèlla ordinària autan petita quantitats.
• Los òlis de motors e autes òlis de vueitança : a raportar dens punts de collècta especificas, en çò d'un garatgista o dens bacs de collècta dedicats.
• Los pneumatics : a raportar en çò d'un garatgista (si'us repren) o en deisheria. 

En depausant las vòstas dèishas au bon endret, que contribuatz a la proteccion de l'environament . Que contribuatz egaument au bon foncionament de las vòstas installacions municipaus atau com a la securitat deus emplegats qui i tribalhan.

Deisheria de Bardòs

Telefòne : 06.72.13.26.74

Entà las dèishas encombrantas e perilhosas : la husta, los gròs cartons bruns, que'us gravès, los aparelhs electrics e electronics, los metaus, las pilas, ampolas, las dèishas perilhosas e dèishas verdas dens la mesura on los podetz pas valorizar a vòste...

Oraris :

• diluns 14h-18h
• dimèrcs 9h-12h
• dijaus 9h - 12h
• dissabte 14h-18h

Compostatge

Lo compostatge de daubuas dèishas de l'ostau e deu jardin que presèrva lo noste environament en redusint la quantitat de dèishas a transportar e a tractar per incineracion o enterrament (haut o baish 30% deu pes de la pobèlla), e los còsts generats per la collècta e lo tractament. Que permet tanben de produsir un excellent engrèish organic.

Entà ua participacion simbolica, que podetz aquerir au près deu Pòle Territoriau de Bidaishe (qui establirà ua convencion e que'vs hornirà un bon de retirament) un compostader ne plastic (leugèr e facile d'utilizacion) o de husta (fabricats locaument peus talhèrs d'insercion Atherbea), a retirar a la deisheria de Came.

Collècta e reciclatge deus teisheders

Un cabeder qu'ei implantat a BARDÒS suu parcatge de l'estadi. Que s'agí d'un cabeder apertenent au Secors Popular . Un aute au Gantxo a GUISHE, e un tresau a BIDAISHE davant lo Pòle Territoriau, sus la rota de Saint-Palais.

Associacions e Manifestacions locaus

Bil La toa Garbi que prepausa un servici de prèst de gòts reütilizaders entà totas manifestacions organizadas suu territòri. Aqueth servici entièrament gratuit (liurason, lavatge e que sarceish) que permet d'estauviar deus embalatges e deu temps de netejatge.

Rendètz-vos suu site : www.biltagarbi.com/commande-de-gobelets/

Qu'ètz organizator, que poiratz :

• Har ua demanda de locacion
• Estimar lo còst de la vòsta demanda