Deus dispositius qu'existeishen entà vs'ajudar a renovar lo vòste lotjament e atau melhorar lo vòste confòrt mes egaument har estauvis d'energia, beneficas entà l'environament com entau vòste poder de crompa !
Despuish lo 08 de genèr de 2024, l'Ostau de l'Abitat e de l'Energia País Basco, guichet unic Espaci Conselh France Rénov' de la Comunautat d'Aglomeracion País Basco, que permet a cadun de trobar las informacions utilas e las ajudas entà renovar o abitar mélher lo son lotjament. Obèrta a tots los abitants de País Basco, qu'a entà objectiu de vs'acompanhar de faiçon neutra e personalizada entà que las vòstas òbras de melhorament (òbras d'estauvis d'energia, adaptacion a la pèrta d'autonomia e a l'envielhiment, mesa en securitat deu vòste lotjament) que sian los mei performants possible e que respónian au mélher aus vòstes besonhs, en beneficiant a las enterpresas locaus.
Los expèrts de l'Ostau de l'Abitat e de l'Energia que prepausan permanéncias a casa de servici Eihartzea (199 rota de Bidaishe) tots los 1èr dimars de cada mes de 9h a 12h30 e de 14h a 15h30. Sus rendètz-vos unicament.
Entresenhas au 05 59 44 77 80 o per corric : maison.habitat@communaute-paysbasque.fr
Torn d'orizont deus dispositius d'ajudas existents e de las desmarchas a realizar entà èste acompanhat dens lo vòste projècte :
https://www.communaute-paysbasque.fr/logement-et-urbanisme/la-maison-de-lhabitat-et-de-lenergie-pays-basque
Mei d'informacions sus l'Ostau de l'abitat & de l'energia :
https://www.communaute-paysbasque.fr/logement-et-urbanisme/la-maison-de-lhabitat-et-de-lenergie-pays-basque