Destrusir los nis de brossalons asiatics
La comuna de BARDÒS qu'acompanha los particulars entà lutar contra los brossalons asiatics. A costat de las accions de sensibilizacion, e maugrat qu'existesca pas nada obligacion legau de destruccion deus nis de l'espècia au dia de uei, la comuna qu'a decidit d'acompanhar los abitants per ua ajuda financèra : pagament de la mieitat de las despensas d'intervencion.
Qui pòt demandar aquera ajuda financèra ?
Lo demandaire que deu estar proprietari, logatari o aucupant a títol gratuit d'ua residéncia suu territòri de Bardòs. Los copropriétés que pòden egaument sollicitar ua ajuda per mèdi deu lor Sindic de copropriété. Mei d'informacions au près deu secretariat de comuna au 05 59 56 80 59.
Quau ei la procedura ?
Lo demandaire que hè interviéner ua enterpresa especializada respectant la carta de las bonas practicas.
Un còp l'intervencion complida, lo demandaire que deu enviar la soa factura aquitada a la maison comuna.
Participatz a la luta contra lo brossalon asiatic
Lo brossalon asiatic qu'ei ua espècia invasiva arribada en França en 2005. A la prima, las fondatoras que hèn un nis qui vad plan actiu a la debuta de l'estiu. Qu'ei ad aqueth periòde qui convien d'estar lo mei vigilant pr'amor que lo brossalon defen lo son nis e que vad plan agressiu .
Com ac soslinha l'Union nacionau de l'apicultura francesa :
Lo brossalon asiatic qu'ei ua miaça entà las abelhas, los apicultors, la biodiversitat dens los nostes territòris. Que constitueish egaument un risc entaus ciutadans . De nombrós accidents que son arribats despuish la soa aparicion en França .
Com gahar los brossalons asiatics ? Que segueishem las recomandacions de l'UNAF (Union Nacionau de l'Apicultura Francesa).
- Los tracanards: ua botelha d'aiga on son traucats abans tot 3 traucs d'un cm.
- L'esca : ua mescla d'alcoòl (cervesa, vin blanc) e de siròp (granadina, ahraga).
- Com gahar : penjar lo tracanard a ua branca, a ua hautor enter 0,5m e 1,5m deu sòu, de preferéncia au só lo matin.
- A la mieitat de Heurèr, març : aparicion de las fondatoras : gahar aus abòrds deus nis de l'annada precedenta (500m) entà evitar la difusion de las fondatoras.
- Abriu a junh : desvolopament de las colonias : plaçar los tracanards a proximitat aus abòrds deus nis de l'annada precedenta e près deus endrets mei atractius : bornacs, plantas mellifères, compost...
- Atencion ! retiratz lo tracanard si gahatz pas brossalon asiatic o si gahatz autes insèctes ; renovelatz l'esca cada 10 dias.
La prima qu'ei ua fasa clau entà gahar los brossalons asiatics !
Mosquit tigre : qu'adoptam los bons reflèxes
Contra lo mosquit tigre, vector potenciau deu chikungunya, de la dengue e deu zika, cadun qu'ei convidat a agir en suprimint las aigas estadissas e en senhalant la soa preséncia.
Copatz l'aiga aus mosquits tigres !
Los proprietaris publics e privats, logataris o aucupadors a quauque títol qui aqueth sia de las proprietats publicas e privadas, bastidas o non, que son tienuts de préner totas las mesuras entà suprimir las cobadas larvàrias de mosquits vectors de malaudias.
- Eliminatz los endrets on l'aiga pòt estagnar : copetas deus pòts de flors, pneumatics usagés, pès de parasorelh, encombrants, jòcs de mainatges... Pensatz tanben a entertiéner las sepulturas dens lo cementèri, lòc propici au desvolopament deus mosquits.
- Verificatz lo bon escorrement de las aigas de ploja e de las aigas usadas (gotèrs, arrolhas...).
- Cobritz las sèrvas d'aiga : bidons d'aiga, cistèrnas, bacins dab un veu o un simple teishut atau com las piscinas hòra d'usatge.
Aqueths gèstes simples que permeten de diminuïr d'80 % la preséncia deu mosquit tigre au ras deu vòste domicili e que diminueish atau lo risc de piqure .
Reconéisher lo mosquit tigre
Qu'ei raiat negre e blanc.
Qu'ei plan petit (5mm).
La soa picadura qu'ei dolorosa .
Eth pica pendent la jornada ; n'ei pas eth qui vs'empacha de dromir la nueit !
Senhalar la soa preséncia
Si detectatz un mosquit tigre, que podetz senhalar la soa preséncia suu portau www.signalement-moustique.fr.
La susvelhança ahortida dens lo 64
Un arrestat prefectorau deu 24 d'abriu de 2018 classa lo noste departament au nivèu 1 (sus 5 nivèus) deu plan nacionau anti-disseminacion deu chikungunya, de la dengue e deu zika. Açò que significa que lo mosquit tigre o Aedes albopictus qu'ei implantat e actiu sus tot lo departament.
La susvelhança qu'ei ahortida : l'Agéncia Regionau de Santat e lo Conselh Departamentau que coordinan lo seguit e las modalitats de luta contra l'espècia e de las malaudias qui pòt transméter.
E ac sabètz ?
Lo mosquit tigre n'aimes pas viatjar : be viu dens un rai de 150 mètres ! Lo mosquit qui vosauts pica b'ei neishut dens lo vòste quartièr !
Entà póner los sons ueus, lo mosquit tigre n'a pas besonh que d'ua quantitat petita d'aiga : un boçon barrejat que'u sufitz ... D'on la necessitat de suprimir las aigas estadissas.
Débroussaillement, ua recomandacion
L'obligacion legau de débroussaillement que depend de la situacion geografica deu vòste terren . Si per l'òra, los terrens ne son pas sosmetuts ad aquera obligacion a Bardòs (arrestat prefectorau deu 21 de noveme de 2022), lo débroussaillement rèsta recomandada entà diminuïr los riscs d'incendis au ras d'ua zòna boscosa, hèita mei vulnerabla per la multiplicacion e l'intensitat deus periòdes de sequèra.
Perqué desbrossar ?
Desbrossar los abòrds de la vòsta abitacion que permet de crear ua cinta de securitat en cas de huec de bòsc. Lo débroussaillement qu'ei un acte civic responsable e obligatòri (article 134-6 deu Còdi forestièr) qui consisteish a redusir la densitat de vegetacion a l'entorn deus ostaus. Que constitueish la proteccion melhora contra lo huec, en ralentint la soa propagacion e en diminuïnt la soa intensitat. Qu'ei lo mejan melhor de's méter en securitat atau com la soa familha e de protegir lo son ostau e los sons bens.
Qui ac deu har ?
Lo débroussaillement qu'incombeish a tot proprietari o tot logatari, de construccions, obradors o installacions de tota natura, shens har compte deus limits de proprietat. Lo proprietari qu'ei responsable deu débroussaillement de la soa parcèla .
On ?
Entaus terrens situats a l'interior o a mensh de 200m d'un massís forestièr de mei de 0,5 ectara, l'obligacion de desbrossar que s'aplica sus :
- un rai de 50m a l'entorn de las construccions ;
- la totalitat de la parcèla deus terrens en zòna urbana ;
- 2,5m de part e d'auta de las vias privadas d'accès a las construccions.
Com desbrossar ?
Lo débroussaillement qu'includí la realizacion e l'entertien de las operacions seguentas :
- La copa de las brancas susplomant las teuladas ;
- L'esbrancadís deus arbos a 2,5m deu sòu, e entaus arbos petits, a 1/3 de la lor hautor au maximum ;
- La supression deus arbustes devath los arbos, dab l'excepcion deus arbos de renovelament deu bòsc ;
- La copa de las èrbas e arbustes baishs ;
- L'eliminacion de las dèishas de copas e d'esbrancadís ;
L'eliminacion de tots los arbos, brancas e bòscs morts.
Prevencion hialats : esbrancadís
Los arbos, las brancas e las rasics qui avançan suu sòu de las vias comunaus que deven estar copats a l'aplomb deus limits d'aqueras vias, peus proprietaris o bordièrs. Un arriberan de la via publica qu'a atau l'obligacion legau d'esbrancar los vegetaus qui l'apartienen en bordadura de via.
Atencion ! Lo hèit de desplaçar, deteriorar, degradar, de quauqua faiçon qui aqueth sia, ua installacion deu hialat Orange o de'n comprométer lo foncionament qu'ei punit d'ua emenda de 1500 euros (art. L 65 deu Còdi de las Pòstas e Comunicacions electronicas) e que pòt entrainar en mei la mesa en causa de la responsabilitat civila deu proprietari qui a causat lo domau aus cables (art. 1384 deu Còdi Civil). En cas de dangèr imminent, que pòt tanben estar impausat d'abàter los vegetaus ne causa. Si los proprietaris demoran inactius, lo purmèr cònsol que pòt préner un arrestat d'esbrancadís, méter en demora aquestes puish procedir a l'esbrancadís d'ofici a la lor carga. Que raperam egaument qu'en cas de besonh, Orange n'intervien pas que si l'accès a las soas linhas ei liberat de tota brancada.
Donc entà evitar tot desagradament d'aqueth tipe e sustot d'aver a remborsar los domaus ocasionats peus vòstes vegetaus, que pensatz a esbrancar regularament los vòstes arbos en bordadura de via publica.
Document d'Informacion Comunau suus Riscs Màgers (DICRIM)
L'informacion e la sensibilizacion deus ciutadans de cap aus riscs màgers (inondacion, nèu, glacina, tempèsta, seïsme, calimàs, gran hred, transpòrt de matèrias perilhosas) que son elements essenciaus entà ua prevencion eficaça .
Le Plan Comunau de Sauvaguarda de la comuna de Bardòs, d'un aute costat obligacion règlementaire, qu'ei estat aprovat per arrestat municipau ne data deu 04 de març de 2015. Aqueth plan qu'a entà objectiu de definir las mesuras de prevencion e de secors presas entà afrontar situacions de crisi e atau preservar la securitat deus abitants e protegir au mélher los lors bens e lo lor environament.
Aqueth document d'informacion comunau suus riscs màgers (D.I.C.R.I.M.) presenta los riscs qui miaçan lo noste territòri, que rapèra las consignas de securitat a respectar, los mejans d'escarrabilhat prevists per la comuna, los numèros d'urgéncia e las desmarchas a seguir si ua tau situacion arribava sus la comuna.
- Telecargar lo document DICRIM de Bardòs (pdf - 1,5Mo)
- Telecargar lo document DICRIM de Bardòs devath format Word accessible (docx - 36Ko)
Plan calimàs
Cada annada, lo Plan Calimàs qu'ei activat en França, enter lo 1èr de junh e lo 15 de seteme, entà previéner e limitar las consequéncias sanitàrias pendent un periòde de hòrta calor. Las personas atjadas, en Ehpad, o los mainatges que son particularament protegits .
Ostau de retirada ALBODI
Com cada annada, l'EHPAD Albodi qu'obreish las soas pòrtas a las Bardoztars pendent las òras mei caudas de la jornada en cas d'aviada deu Plan Calimàs (nivèu 2 e 3). L'objectiu qu'ei de preservar los nostes ainats en los prepausant un espaci fresc e climatizat atau com un acompanhament adaptat.
Comuna de Bardòs
La comuna de Bardòs que prepausa de recensar las personas isoladas, atjadas o en situacion de handicap, e de s'inscríver suu registre «calimàs» entà qu'aquestas que poscan estar acompanhadas o contactadas pendent aqueth periòde, e de s'assegurar de l'estat de santat deus sons administrats.
Ad aqueth efèit, un formulari de demanda d'inscripcion suu registre nominatiu (entà tota situacion d'urgéncia) qu'ei a la vòsta disposicion en comuna . Aquera demanda d'inscripcion que's deu har per atestacion sus l'aunor e que deu estar realizada sia per la persona concernida (o lo son representant legau) sia per un tèrç.
N'esitatz pas a vosauts assabentar au près de la comuna.
La prevencion deus riscs naturaus e tecnologics (PPRi)
La prevencion deus riscs naturaus e tecnologics (PPRn)
Creat per la lei deu 2 de heurèr de 1995, lo Plan de Prevencion deus Riscs naturaus (PPRn) qu'ei un document reglamentari elaborat devath l'autoritat deu prefècte, a lo quau las collectivitats locaus son associadas dens ua desmarcha de concertacion, qui delimita las zònas somesas a un risc naturau (inondacion, movement de terren...) e qui reglamenta l'utilizacion e l'aucupacion deus sòus sus aqueras zònas, entà redusir la vulnerabilitat de las personas e deus bens.
Lo plan de prevencion deu risc inondacion (PPRi) de Bardòs, aprovat per arrestat prefectorau ne data deu 03 d'octobre de 2002, qu'ei donc ua atruna de gestion deus riscs naturaus qui cartografia los riscs d'inondacion e qui reglamenta l'urbanizacion dens las zònas expausadas. Que compòrta un rapòrt de presentacion qui presenta la situacion de la comuna (geografia, demografia, riscs identificats e istoric deus eveniments…), un reglament e ua carta expausant los diferents zonatges.