Los documents prepausats au telecargament ne son pas compatibles dab los sistèmas d'assisténcia tecnologica (taus com un legidor d'ecran). Si encontratz un problèma d'accessibilitat, que'vs convidam a contactar la Comuna au 05 59 56 80 59 o per corric a mairie@bardos.fr.
Lo cementèri de Bardòs qu'ei obèrt cada dia de l'annada .
Dret d'inumacion
Si en teoria, un defunt que pòt estar inumat dens quau que sia cementèri suu territòri nacionau, que deu totun se retrobar dens ua de las situacions seguentas :
- èste defuntat dens la comuna, quau que sia lo son domicili ;
- èste domiciliat dens la comuna, quau que sia lo lòc deu son decès ;
- èste inscrivut sus la lista electorau de la comuna entaus residents a l'estrangèr ;
- beneficiar d'ua concession familiau.
En dehòra d'aqueth dret, tota persona que pòt aquerir ua concession dens la comuna, devath resèrva d'obtiéner l'acòrd deu purmèr cònsol qui pòt hèra plan refusar si manca de plaça o entà evitar de troblar l'ordi public dont ei responsable.
Lo cementèri de Bardòs qu'ei 4 lòcs de reculhiments :
- lo cementèri tradicionau ;
- lo cementèri paisatjat ;
- lo columbarium ;
- lo Jardin deu soviéner.
Crompa de tahuc e de concession
Lo cementèri paisatjat qu'ei sosmetut a un reglament arquitecturau . Tota demanda d'òbras que deu estar aprovada peu Purmèr cònsol.
Consultar lo reglament deu cementèri paisatjat.
Concession d'ua casa au columbarium
- La concession d'ua casa au columbarium que pòt estar desliurada entà 10, 15 o 30 ans,
- Consultar lo reglament deu columbarium
Renovelament de las concessions
Lo renovelament de las concessions au cementèri e au columbarium que's deu efectuar a tèrmi. Aqueth dret qu'apartien au titular de la concession o, en cas de decès, aus sons ayants drets. Fauta de renovelament, lo terren concedit que torna a la comuna e que poirà estar représ après un delai de 2 ans.
Entà assegurar lo respècte de l'ordi public lo concessionari e los sons ayants dret que deven entertiéner la concession aquesida en mantienent lo terren e/o l'obratge edificat en bon estat de netetat, de conservacion e de soliditat. La responsabilitat deus concessionaris o los lors ayants dret que serà engatjada, sustot en cas d'accident corporau o de degradacions a las concessions vesias.
Entà tota informacion sus las ventas e los renovelaments de concessions : contactar lo servici Estat civiu au 05 59 56 80 59.